نبات المغات

 

 نبات إعادة البناء نبات نتايجه إعجاز نبات علاج الضعف و الاكتئاب نبات القوة الجسمانية والطاقة

نبات المغات وتعالى شوف الأبحاث بتقول أيه لحسن النتايج موش طبيعية فوق الوصف .

بسم الله الرحمن الرحيم كده أقوى مضاد إكتئاب معروف فى التاريخ الست إما بتشربه بعد الولادة بيبنى جسمها هشرح و ينضفه و المهم إنه بيحميها من إكتئاب ما بعد الولادة ودا لو تعلمون من أصعب الأمراض النفسية اللى ممكن تصيب البشر لأنه إكتئاب حاد و مفاجئ وقوى لدرجة الإنتحار المعجزة اللى اسمه المغات شربه بعد الولادة بيحميك من الأثر السئ المفاجئ للولادة على النفسية .

فى دراسة نشرت عام ٢٠١٤ وجدو أن تناول المغات يزيد كتلة الكالسيوم فى العظام الهشة واللينة ١٧ ضعف أنت متخيل الرقم اه ١٧ ضعف دا بيخلى حرفيا عضمك شاكوش و صفر أعراض جانبية حطلنا بقا ياست الكل المغات مع حب الرشاد و قشر البيض و بذور الشيا و المشروم دى بقا الوصفة اللى تخلى البوصة عروسة و الكركوبة عروسة برضه .

أما فى مجلة الجزيئات عامة ٢٠٢٣ فعزلو مواد فعالة فى النبات فعالة فى علاج النقرس وأكدو فاعليته للأم المرضعه لأنه بينشط إفراز اللبن للنونو ناهيك عن وجود مادة السيسامين بنسب علاجية المخفضة لضغط الدم المرتفع.

الفوايد رهيبة ياجماعة النبات معجزة خلقية من ربنا بالله مش عاوز أطول أكتر من كده فى المنشور خاصة كمقوى عام لكل أشكال الضعف نفسى وعصبى وعظمى وعضلى حتى الجهاز الهضمى والتنفسى هوه نبات ملطف ليهم فيه نسبة عالية جدا من مادة الميوسيل الملطفة و المانعه لجفافهم .

شير لغيرك و قوله اشرب مغات مش شرط أكون بولد عشان أشربه على فكرة دا مغذى للأطفال والكبار والعواجيز والشباب كله يشرب مغات .

مكونات مشروب المغات الذهبى :-

١ـ ٤ كوب ميه .

٢ـ ٤ معالق كبيرة سمنة بلدى .

٣ـ ٤ معالق كبيرة سمسم متحمص .

٤ـ ٤ معالق كبيرة عسل نحل .

٥ـ ٤ معالق كبيرة مغات .

٦ـ ٤ معالق كبيرة مكسرات .

دمتم بصحة

الدكتور أحمد أبو النصر .