ربع كوب من الردة مع الزبادى مع برتقالة أو فلفلة خضرا ٦ جرام ألياف و ٥٠ سعر حرارى فقط وفوائد مذهلة لوزن صحى و قولون قوى جدا .
الردة أو نخالة القمح من الأغذية المفيدة جدا لغناها بالألياف الغير ذائبة اللى بتحسن حركة الجهاز الهضمى و بتمنع الإسهال و الإمساك بتنظم حركة القولون .
الردة بتقلل الكولسترول الضار و بترفع من مستوى الكولسترول النافع مع ظبط السكر التراكمى و الدهون الثلاثية .
الردة فيها ماغنسيوم و فسفور لعضمة قوية جدا متوجعكش فى الشتا و لا تموتك من برد المروحة ولا التكييف فى الصيف و ان كان الألياف بتقلل من إمتصاص المعادن عشان كده اضافة برتقالة أو فلفلة خضراء هيظبط إيقاع الإمتصاص لغناهم بفيتامين سى محفز امتصاص المعادن .
الردة غنية بفيتامين الكبد فيتامين هاء اللى بيستخدمه الكبد فى منع زناخة دهونه لأنها لو زنخة بتعمل فيه إلتهابات و سرطان .
سيبك من حوار عيش الردة لأنهم بيحطو كميات فستك انت هات ردة وحط منها ربع كوباية كل يوم على الزبادى على السلطة حتى على الشوربة و خلى بالك لو عندك حساسية جلوتين غير مناسبة ليك استخدام ردة أو نخالة الأرز إسمه الرجيع ودا بقا ياباشا بغض النظر عن موضوع الألياف وإنه خالى جلوتين لا دا فيه زيت رهيب لصحة الشرايين بيخليها تزحلق أى حاجة بتلزق فيها زيت نخالة الأرز فيه مادة الشرايين الأوريزانول والربع كوباية فيها ٦ جرام ألياف برضه يعنى لو أنت جدع كده و استخدمت ربع كوب رجيع مع ربع كوب ردة انت حققت ٥٠٪ من المطلوب لأليافك يوميا و البكتريا اللاهوائية فى قولونك هتدعيلك وهتديك فوائد رائعة لجسمك .
و أخيرا الردة مذكورة فى القرأن وربنا أقسم بيها بسم الله الرحمن الرحيم وَالْحَبُّ ذُو الْعَصْفِ وَالرَّيْحَانُ العصف هوه النخالة أو الردة بتاعت الحبوب .
شير لغيرك وقوله مرض القلب معناها نقص فى تناول الألياف الغذائية .
دمتم بصحة 
الدكتور أحمد أبو النصر
ليست هناك تعليقات:
إرسال تعليق